സ്പേസ് എക്സിന്റെ സ്റ്റാര്ഷിപ്പ് റോക്കറ്റ് പരീക്ഷണം വീണ്ടും പരാജയപ്പെട്ടു. ടെക്സാസിലെ ബൊക ചികയില് നിന്ന് വിക്ഷേപിച്ച എസ് എന് 9 ഹൈ ആള്ട്ടിറ്റൂഡ് പരീക്ഷണ റോക്കറ്റ് സുരക്ഷിതമായി താഴെ ഇറക്കാനുള്ള ശ്രമത്തിനിടെ പൊട്ടിത്തെറിക്കുക ആയിരുന്നു. ഇതിന് മുമ്പ് നടത്തിയ പരീക്ഷണവും ഇതേ രീതിയില് പരാജയം ആയിരുന്നു. ശതകോടീശ്വര വ്യവസായി ഇലോണ് മസ്കിന്റെ ഉടമസ്ഥതയിലുള്ള സ്പേസ് എക്സ്, ചന്ദ്രനിലേക്കും ചൊവ്വയിലേക്കും ബഹിരാകാശ സഞ്ചാരികളെയും അവര്ക്കാവശ്യമായ വസ്തുക്കളും കൊണ്ടുപോവാന് ലക്ഷ്യമിട്ട് വികസിപ്പിക്കുന്ന റോക്കറ്റ് ആണ് സ്റ്റാര്ഷിപ്പ്. ഇന്ന് നിലവിലുള്ള റോക്കറ്റുകളേക്കാള് കൂടുതല് ഭാരം വഹിക്കാന് ശേഷിയുള്ളതും വലുതുമായിരിക്കും സ്റ്റാര്ഷിപ്പ്.
വിക്ഷേപിച്ച് 10 കിലോ മീറ്ററോളം ഉയരത്തില് എത്തിയതിന് ശേഷമാണ് സ്റ്റാര്ഷിപ്പ് തിരിച്ചിറക്കാന് തുടങ്ങിയത്. കുത്തനെ ഉയരുകയും അവിടെ നിന്ന് ഭൂമിയ്ക്ക് തിരശ്ചീനമായി താഴേക്ക് കൊണ്ടുവന്ന്, താഴെ എത്തുന്നതിന് തൊട്ടുമുമ്പായി വീണ്ടും ലംബമാക്കി മാറ്റി നിലത്തിറക്കാന് ആണ് സ്പേസ് എക്സ് പദ്ധതി ഇട്ടിരുന്നത്. എന്നാല് ഇത് അവസാന മിനിറ്റില് പരാജയപ്പെട്ടു. മൂന്ന് റാപ്റ്റര് ത്രസ്റ്ററുകള് പ്രവര്ത്തിപ്പിച്ചാണ് തിരശ്ചീനമായി ഇറങ്ങുന്ന സ്റ്റാര്ഷിപ്പിനെ നേരെയാക്കുക. ഇതില് ഒന്ന് പ്രവര്ത്തിച്ചില്ല. ഇതോടെ റോക്കറ്റ് നിലത്ത് ഇടിച്ചിറങ്ങി തീഗോളമായിമായി മാറുകയായിരുന്നു.
ടേക്ക് ഓഫ് ചെയ്ത് 6 മിനിറ്റ് 25 സെക്കന്ഡിനു ശേഷമാണ് താഴെ വീണ് പൊട്ടിത്തെറിച്ചത്. ചൊവ്വയിലേക്കും ചന്ദ്രനിലേക്കും മനുഷ്യരെ കൊണ്ടു പോകാനുള്ള സ്പേസ് എക്സിന്റെ പേടകം സ്റ്റാര്ഷിപ്പ് പ്രോട്ടോടൈപ്പ്, പരീക്ഷണത്തിനിടെ പൊട്ടിത്തെറിക്കുന്നത് പുതിയ സംഭവമല്ല. ഡിസംബര് 9 ന് ടെക്സാസ് തീരത്ത് ഒരു പരീക്ഷണ വിക്ഷേപണത്തിനിടെയും സ്റ്റാര്ഷിപ്പിന്റെ പ്രോട്ടോടൈപ്പ് തീപിടുത്തത്തില് തകര്ന്നിരുന്നു. ചൊവ്വാ ദൗത്യത്തിനായി വികസിപ്പിച്ചെടുക്കുന്ന റോക്കറ്റിന്റെ അവസാന പതിപ്പാണ് കഴിഞ്ഞ ദിവസം പരീക്ഷണം നടത്തിയത്. ടേക്ക് ഓഫ് മികച്ചതായിരുന്നെങ്കിലും ലാന്ഡിങ്ങിനിടെയാണ് പൊട്ടിത്തെറിച്ചത്. എന്നാല് ലാന്ഡിങ് പരാജയപ്പെട്ടിട്ടും സ്പേസ് എക്സ് വക്താക്കള് പരീക്ഷണത്തെ വിജയമായാണ് കാണുന്നത്.
അതിവേഗത്തിലുള്ള തിരിച്ചിറക്കമാണ് ലാന്ഡിങ് തകര്ച്ചയ്ക്ക് കാരണമെന്നാണ് കരുതുന്നത്. ലാന്ഡിങ് ബേണ് സമയത്ത് ഇന്ധന ഹെഡര് ടാങ്കിന്റെ മര്ദ്ദം കുറവായതായിരുന്നു നേരത്തെയുള്ള പൊട്ടിത്തെറിക്ക് കാരണം. ഇത് രണ്ടാം തവണയാണ് സ്റ്റാര്ഷിപ്പ് പേടകം ഇത്രയും സമയം സഞ്ചരിക്കുന്നത്. ഏഴു മിനിറ്റോളമാണ് യാത്ര തുടര്ന്നത്. എസ്എന്9 ന്റെ വലിയ മെറ്റല് ബോഡിയും പുതിയ മൂന്ന് എന്ജിനുകളും പരിശോധിക്കുന്നതിനും മുന്പത്തെ ലാന്ഡിങ് പരാജയം ഒഴിവാക്കാനും ആയിരുന്നു ടെസ്റ്റ് ഫ്ളൈറ്റ് ആസൂത്രണം ചെയ്തിരുന്നത്. പേടകം ഭൂമിയിലേക്ക് മടങ്ങുമ്പോള് ലംബമായി തന്നെ വരുന്നുണ്ട്. എന്നാല്, അവസാന നിമിഷം പൊട്ടിത്തെറിക്കുക ആയിരുന്നു. സ്പേസ് എക്സിന്റെ മുന്നിര ഫാല്ക്കണ് 9 റോക്കറ്റിന്റെ അതേ ടെക്നോളജി തന്നെയാണ് ഇതിലും ഉപയോഗിക്കുന്നത്.
വിക്ഷേപിച്ച് 10 കിലോ മീറ്ററോളം ഉയരത്തില് എത്തിയതിന് ശേഷമാണ് സ്റ്റാര്ഷിപ്പ് തിരിച്ചിറക്കാന് തുടങ്ങിയത്. കുത്തനെ ഉയരുകയും അവിടെ നിന്ന് ഭൂമിയ്ക്ക് തിരശ്ചീനമായി താഴേക്ക് കൊണ്ടുവന്ന്, താഴെ എത്തുന്നതിന് തൊട്ടുമുമ്പായി വീണ്ടും ലംബമാക്കി മാറ്റി നിലത്തിറക്കാന് ആണ് സ്പേസ് എക്സ് പദ്ധതി ഇട്ടിരുന്നത്. എന്നാല് ഇത് അവസാന മിനിറ്റില് പരാജയപ്പെട്ടു. മൂന്ന് റാപ്റ്റര് ത്രസ്റ്ററുകള് പ്രവര്ത്തിപ്പിച്ചാണ് തിരശ്ചീനമായി ഇറങ്ങുന്ന സ്റ്റാര്ഷിപ്പിനെ നേരെയാക്കുക. ഇതില് ഒന്ന് പ്രവര്ത്തിച്ചില്ല. ഇതോടെ റോക്കറ്റ് നിലത്ത് ഇടിച്ചിറങ്ങി തീഗോളമായിമായി മാറുകയായിരുന്നു.
ടേക്ക് ഓഫ് ചെയ്ത് 6 മിനിറ്റ് 25 സെക്കന്ഡിനു ശേഷമാണ് താഴെ വീണ് പൊട്ടിത്തെറിച്ചത്. ചൊവ്വയിലേക്കും ചന്ദ്രനിലേക്കും മനുഷ്യരെ കൊണ്ടു പോകാനുള്ള സ്പേസ് എക്സിന്റെ പേടകം സ്റ്റാര്ഷിപ്പ് പ്രോട്ടോടൈപ്പ്, പരീക്ഷണത്തിനിടെ പൊട്ടിത്തെറിക്കുന്നത് പുതിയ സംഭവമല്ല. ഡിസംബര് 9 ന് ടെക്സാസ് തീരത്ത് ഒരു പരീക്ഷണ വിക്ഷേപണത്തിനിടെയും സ്റ്റാര്ഷിപ്പിന്റെ പ്രോട്ടോടൈപ്പ് തീപിടുത്തത്തില് തകര്ന്നിരുന്നു. ചൊവ്വാ ദൗത്യത്തിനായി വികസിപ്പിച്ചെടുക്കുന്ന റോക്കറ്റിന്റെ അവസാന പതിപ്പാണ് കഴിഞ്ഞ ദിവസം പരീക്ഷണം നടത്തിയത്. ടേക്ക് ഓഫ് മികച്ചതായിരുന്നെങ്കിലും ലാന്ഡിങ്ങിനിടെയാണ് പൊട്ടിത്തെറിച്ചത്. എന്നാല് ലാന്ഡിങ് പരാജയപ്പെട്ടിട്ടും സ്പേസ് എക്സ് വക്താക്കള് പരീക്ഷണത്തെ വിജയമായാണ് കാണുന്നത്.
അതിവേഗത്തിലുള്ള തിരിച്ചിറക്കമാണ് ലാന്ഡിങ് തകര്ച്ചയ്ക്ക് കാരണമെന്നാണ് കരുതുന്നത്. ലാന്ഡിങ് ബേണ് സമയത്ത് ഇന്ധന ഹെഡര് ടാങ്കിന്റെ മര്ദ്ദം കുറവായതായിരുന്നു നേരത്തെയുള്ള പൊട്ടിത്തെറിക്ക് കാരണം. ഇത് രണ്ടാം തവണയാണ് സ്റ്റാര്ഷിപ്പ് പേടകം ഇത്രയും സമയം സഞ്ചരിക്കുന്നത്. ഏഴു മിനിറ്റോളമാണ് യാത്ര തുടര്ന്നത്. എസ്എന്9 ന്റെ വലിയ മെറ്റല് ബോഡിയും പുതിയ മൂന്ന് എന്ജിനുകളും പരിശോധിക്കുന്നതിനും മുന്പത്തെ ലാന്ഡിങ് പരാജയം ഒഴിവാക്കാനും ആയിരുന്നു ടെസ്റ്റ് ഫ്ളൈറ്റ് ആസൂത്രണം ചെയ്തിരുന്നത്. പേടകം ഭൂമിയിലേക്ക് മടങ്ങുമ്പോള് ലംബമായി തന്നെ വരുന്നുണ്ട്. എന്നാല്, അവസാന നിമിഷം പൊട്ടിത്തെറിക്കുക ആയിരുന്നു. സ്പേസ് എക്സിന്റെ മുന്നിര ഫാല്ക്കണ് 9 റോക്കറ്റിന്റെ അതേ ടെക്നോളജി തന്നെയാണ് ഇതിലും ഉപയോഗിക്കുന്നത്.