我知影臺灣 ê 語言文化有佇改變。
猶毋過,我一直相信改變 ê 語言,毋管按怎改變,伊猶原 buē 影響捷捷佇使用這个語言 ê 人。
不而過,換另外一个角度來看語言 ê 變化,也會使講是我家己綴 buē 著時代。
我 ê CPU 猶原是16位元,所致我聽無遮的語法。
親像「我現在幫您做個倒茶的這個動作」。
第一擺聽著這句話,是佇一間知名餐廳內底。
這句話予我 ê CPU 當場敗機。
彼當時,對方掠做我是外國人,開始用少少...